A wounded dog||Inspirational short stories ||2020

A wounded dog


inspirational short stories

 

Aaj ka kissa ek 60 saal ke haaji sahab ka hai.. 

Haaji sahab ne 60 saal ki aayu me ek garment ki factory lagai or din bhar factory me kaam krte fir thak kar usi factory ki guest house me so jate.. Haaji sahab pehle aise nahi the 30 saal se unho ne duniya daari chod di thi... Ek sufi zindagi guzaar rahe the din bhar unka dhiyaan sirf apne rabb ki taraf hota, logon ka majma(assembly) unke ghar me laga rehta , log aate apni preshaani batate haaji sahab unko unki preshaani ka hal batate, unke liye dua karte... Unka sab kuch thik thak chal raha tha wo kafi mashoor bhi ho gaye the.. Fir ek din wo achanak uthe apni baithak ko tala lagaya or apne paas jama paise nikaale or ek garment ki factory suru ki.. Bahut se logon ko unhone apni factory me rozi roti kaamane ka mauka diya... Dekhte hi dekhte wo bahut badi branded garment company ke maalik ban gaye..

Puri duniya budhape tak kaam karti hai or fir duniya daari chod kr apne rabb se dil lagati hai lekin haaji sahab ki ganga ulti beh rahi thi.. Jawani me unhone apne rabb se dil lagaya or budhape me factory....

Haaji sahab ki kahaani ek kutte se shuru hoti hai or ek kutte pe hi khatam hoti hai..

Haaji sahab ne apni jawani me jab kaam suru kiya to unhone garment factory hi kholi thi din bhar wo usme dil  kr kaam karte the.. Unka kaam bahut achcha chal raha tha.. Ek din wo apni factory ke godaam me gaye to unho ne dekha ek jakhmi kutta jo shayed kisi gaadi ke niche aa kar jakhmi ho gaya tha adhmari halat me unke godaam ke ek kone me pada hua hai.. Haaji sahab ko us par bahut raham aaya unho ne socha ise jaanwaron ke doctor ke paas le jata hun.. Fir aachanak unhone dekha ek dusra sehatmand kutta godaam ki diwaar ke ek tute hue hisse se andar aaya uske muh me ek roti thi jo usne la kar jakhmi kutte ko khila diya or ek tuta hua piyaala jo shayed kisi ne fek diya hoga usme paani la kar jakhmi kutte ko pilaya..

Ye sab haaji sahab door khade ho kar dekh rahe the,, ab ye rozana hone laga roz kutta aata or jakhmi kutte ko khana khilata paani pilata or chala jata,, ye sab dekh kar achanak haaji sahab ke  dimaag me khayal aaya ki jo rabb is jakhmi kutte ko khana khila sakta hai uski hifazat kar sakta hai fir main to insaan hun to kya wo meri do waqt ki roti ka bandobast nahi kar sakta...? Unhone socha ab main apne rabb se dil lagunga or mera rabb meri roti ka bandobast kr dega.. Bas isi khayal ne haaji sahab se unki factory me tala lagwa kar sufi baba bana diya,.. 30 saal tak sufi baba bane rahe haaji sahab  ke zindagi me ek dusra waaqia  pesh aaya jisne unhe fir se business man banne pe majboor kar diya.. Hua yun ke ek din haaji sahab ne apni zindagi ki kahaani apne baithak me baithe logon ko sunaai... Ki kis tarha se wo ek jakhmi kutte ki wajah se sufi baba bane...or unhone kaha mera ek din bhi aaj tak aisa nahi nikla jisme mere rabb ne meri rozi roti ka bandobast na kiya ho... Unki puri khaani sunne ke baad ek kam umar ka ladka khada hua or kehne laga 

"in do kutton me achcha kutta kon tha jo jakhmi tha ya jo sehatmand tha".. Aapne ye nahi dekha ki wo sehatmand kutta kitni mehnat kar jakhmi kutte ko bacha raha tha.. Dene wala haath hamesha lene waale haath se upar rehta hai...aap to bahut khudgarz nikle haaji sahab sirf apne baare me socha aapki factory band karne ki wajah se kitne log berozgaar ho gaye unke baare me nahi socha.., ye keh kar ladka waha se chala gaya..

inspirational short stories



Haaji sahab ko aaj apni galti ka ehsaas hua wo bahut rone lage apne rabb se maafi maangi or dusre hi din apni factory fir se chalo kr di..

Moral and values of this inspirational short stories :-

Dene wala hath hamesha lene waale hath se behtar hota hai. 




Post a Comment

9 Comments

Plz do not put any negative comment.